జై భారత్ వాయిస్ దామెర
దామెర మండలం సింగరాజుపల్లి గ్రామానికి చెందిన ఉప్పుల అకాష్ తన మొబైల్ ఫోన్ ను ఆగస్టు 25న జాతీయ రహదారి-163 లోని ఔటర్ రింగ్ రోడ్ వంగపహాడ్ క్రాస్ రోడ్ సమీపంలో పోగొట్టుకున్నాడు. ఈ నేపథ్యంలో బాధితుడు ఆకాష్ దామెర పోలీస్ స్టేషన్ లో ఫిర్యాదు చేశాడు. బాధితుడి పిర్యాదుతో పోలీసులు దర్యాప్తు చేపట్టారు. మొబైల్ ఫోన్ కైకలూరుకు చెందిన ఓ లారీ డ్రైవర్ వద్ద ఉన్నట్లు విచారణలో తెలిసింది., శుక్రవారం దామెర క్రాస్ రోడ్ లోని అపోలో రీచ్ ఎన్ఎస్ఆర్ హాస్పిటల్స్ సమీపంలో ఆ లారీ డ్రైవర్ నుంచి మొబైల్ ఫోన్ ను దామెర పోలీసులు స్వాధీనం చేసుకున్నారు. ఈ సందర్భంగా శుక్రవారం బాధితుడు ఆకాష్ ను దామెర పోలీస్ స్టేషన్ కు పిలిపించి, సామ్సంగ్ ఎం-12 మాడల్ మొబైల్ ఫోన్ ను అప్పగించారు. దీంతో పోలీసులకు కృతజ్ఞతలు తెలిపాడు.
