జై భారత్ వాయిస్ ఆగష్టు 13 వరంగల్ జిల్లా ప్రతినిధి:-గ్రేటర్ వరంగల్ మున్సిపల్ కార్పొరేషన్ 15 వ డివిజన్ గీసుకొండ మండలంలోని గొర్రెకుంటలో జిల్లా ప్రజా పరిషత్ ఉన్నత పాఠశాలలో చదువుకున్న పూర్వ విద్యార్థి కానిస్టేబుల్ నమిండ్ల సాధన్ పాఠశాలకు త్రాగునీటిని శుభ్ర పరిచే ఆర్ ఓ మినీ వాటర్ ప్లాంటుని బహుకరించారు. ఈ సందర్భంగా నమిండ్ల సాధన్ మాట్లాడుతూ పాఠశాలలో చదివే విద్యార్థిని, విద్యార్థులు ఆరోగ్యంగా ఉంటూ చక్కగా చదువుకొని ఉన్నత శిఖరాలు అధిరోహించాలని కోరారు. ఈ సందర్భంగా ఉన్నత పాఠశాల ప్రధానో పాధ్యాయులు జ్యోతిర్మయి మాట్లాడుతూ చాలా కాలంగా మా పాఠశాలకు అనేక విధాలుగా సేవలు అందిస్తున్న సాధన్ సేవలు చాలా అభినందనీయం అని కొనియాడారు. ఈ కార్యక్రమంలో పాల్గొన్న గ్రామ పెద్దలు పాఠశాలకు సాధన్ చేస్తున్న సేవ కార్యక్రమాలను గ్రామ పూర్వ విద్యార్థులు స్ఫూర్తిగా తీసుకుని పాఠశాల అభివృద్ధికి తోడ్పడాలని కోరారు. పాఠశాలకు ఆర్ ఓ మినీ వాటర్ ప్లాంటుని బహుకరించిన పూర్వ విద్యార్థి కానిస్టేబుల్ సాధన్ ని పాఠశాల ఉపాధ్యాయులు, గ్రామ పెద్దలు సత్కరించారు. ఈ కార్యక్రమంలో పాఠశాల ఉపాధ్యాయులు, గ్రామ పెద్దలు నమిండ్ల క్లిమెంట్, ఎలగొండ ప్రవీణ్, నమిండ్ల కిరణ్, మాచర్ల కార్తీక్, సిలువేరు రవి, ఇంద ఆరోగ్యం, సిలువేరు సుమను తదితరులు పాల్గొన్నారు.
