(జై భారత్ వాయిస్ హన్మకొండ) భారతీయ అంతరిక్ష నౌకా నిర్వహణ కేంద్రం (ఇస్రో) వరంగల్ ప్రాంతీయ కోఆర్డినేటర్లుగా హనుమకొండలోని ఆర్ట్స్ అండ్ సైన్స్ కళాశాల ఫిజిక్స్ విభాగం సహాయ ఆచార్యులు డాక్టర్ లాదల జితేందర్, డాక్టర్ ఆలేటి సరిత లను నియమిస్తూ ఇస్రో చైర్మన్ ఉత్తర్వులు జారీ చేశారని ఆర్ట్స్ అండ్ సైన్స్ కళాశాల ప్రిన్సిపల్ ఆచార్య సుంకర జ్యోతి తెలిపారు. ఈ సందర్భంగా ప్రిన్సిపాల్ జ్యోతి ఇరువురిని అభినందించారు. ఈ సందర్భంగా మాట్లాడుతూ ఇస్రో ఔన్నత్యాన్ని పెంపొందించడం కోసం ముఖ్యంగా విద్యార్థులు పరిశోధనల పట్ల అవగాహన పెంపొందించే దిశగా పనిచేస్తారని ప్రస్తుతం ఇస్రో చేపట్టే ప్రతిష్టాత్మకమైన పరిశోధనల పై విద్యార్థులకు అవగాహన పెంపొందించుటకు వీరు ఇరువురు పనిచేస్తారని ప్రిన్సిపాల్ జ్యోతి తెలిపారు. డాక్టర్ జితేందర్ , డాక్టర్ సరితలను కళాశాల అధ్యాపకులు, సిబ్బంది విద్యార్థులు అభినందించారు.
